Шығыс Қазақстанда полиция қызметкерлері кезекті есірткі сатушыны ұстады

                                                                                         Шығыс Қазақстанда полиция қызметкерлері кезекті есірткі сатушыны ұстады

«Дәрмек» жедел профилактикалық іс-шарасы барысында ШҚО ПД Есірткі қылмысына қарсы іс-қимыл басқармасының қызметкерлері есірткі заттарын таратумен айналысқан 32 жастағы ер адамды ұстады.

Санкцияланған жеке тінту кезінде ер адамнан өсімдік тектес заты бар 2 полимерлі пакет тәркіленді. Сондай-ақ, оның көлігінен ерекше иісі бар, ұқсас зат салынған 6 полимерлі пакет пен 1 түйіншек табылды.

Сараптама қорытындысына сәйкес, тәркіленген зат жалпы салмағы - 501,6375 грамм кептірілген марихуана болып шықты.

Қазіргі уақытта күдікті уақытша ұстау изоляторына қамалды.

ШҚО полициясы: есірткі және психотроптық заттарды заңсыз сақтау, тарату және өткізу — ауыр қылмыс болып саналатынын және Қазақстан Республикасының заңнамасына сәйкес қылмыстық жауапкершілікке әкеп соғатынын еске салады.


                                                                                                                                                                                                               ШҚО ПД баспасөз қызметі