ШҚО-да полицияның қырағылығы жолдағы қауіптің алдын алды

                                                                                          ШҚО-да полицияның қырағылығы жолдағы қауіптің алдын алды

Бүгін Өскемен – Алматы республикалық маңызы бар тасжолында патрульдік бекеттің полицейлері үлкен қауіптің алдын алды.

Қызметкерлер бекет арқылы өтіп бара жатқан кезде, ауыр жүк көлігі тіркемесінің дөңгелегі түтіндеп жатқанын байқаған. Олар дереу жүргізушіні тоқтатып, өртті сөндіруге көмектесіп, көлікке келер залалды және ықтимал қауіп-қатерді болдырмады.

Жүргізуші полицейлерге шынайы ризашылығын білдірді:

«Мен Өскемен – Үшарал бағытында келе жатқанмын, бекетте полиция қызметкерлері мені тоқтатып, қауіптің алдын алуға көмектесті. Полицейлерге, әсіресе 148-ші бортқа, көмегі үшін алғыс айтамын».

Бұл оқиға – жол қауіпсіздігін қамтамасыз етуде ШҚО полиция қызметкерлерінің кәсібилігі мен қырағы бақылауының айқын дәлелі. Тәртіп сақшылары күн сайын жолдардағы қауіпсіздікті қамтамасыз ету үшін қалтқысыз қызмет етуде.


                                                                                                                                                                                                               ШҚО ПД баспасөз қызметі