«Салқындату кезеңі»: Онлайн алаяқтық пен асығыс шешімдерден қорғайтын жаңа шара

                                                                                         «Салқындату кезеңі»: Онлайн алаяқтық пен асығыс шешімдерден қорғайтын жаңа шара

Шығыс Қазақстан облысының Полиция департаменті 2025 жылдың 30 қыркүйегінен бастап елімізде онлайн несиелерге қатысты «салқындату кезеңі» енгізілгенін хабарлайды. Бұл шара азаматтарды алаяқтық схемалар мен асығыс қаржылық шешімдерден қорғауға бағытталған.

«Салқындату кезеңі» деген не?
Бұл — несие шартына қол қойылғаннан кейін 8 сағаттан 24 сағатқа дейінгі уақыт аралығы, осы кезең ішінде банктер мен микроқаржы ұйымдары қарыз алушыға ақшалай қаражатты аудара алмайды.
Көрсетілген уақыт аралығында клиент өз шешімін өзгертіп, несие алудан себепсіз бас тарта алады. Бұл жағдайда шарт автоматты түрде жойылады.

Барша қазақстандықтарды сақ болуға шақырамыз!

Алаяқтардың алдауына түсіп қалмаңыздар, жеке деректеріңізді бөгде адамдарға бермеңіздер.
Қаржылық операциялар жасар алдында ақпаратты мұқият тексеріп, банктерден кеңес алыңыздар.
Күдікті жағдайда дереу 102 нөміріне хабарласыңыздар.

Есіңізде болсын, қаржыңыздың қауіпсіздігі — өз қолыңызда!


                                                                                                                                                                                                             ШҚО ПД баспасөз қызметі