Қауіпсіз жол – әрбір жүргізушіге қамқорлықпен

                                                                                            Қауіпсіз жол – әрбір жүргізушіге қамқорлықпен

Тарбағатай аудандық полиция бөлімінің қызметкерлері медицина мамандарымен бірлесіп, жол қозғалысы ережелерін сақтау мен денсаулықты бақылаудың маңыздылығын жүргізушілерге еске салу мақсатында профилактикалық акция өткізді.

Іс-шара барысында автокөлік иелеріне қауіпсіз жүргізудің негізгі қағидалары түсіндіріліп, артериялық қысымдарын өлшеп, жол үстінде жақсы хал-жағдайды сақтауға қатысты кеңестер берілді. Құқық қорғаушылардың айтуынша, мұндай тәсіл ықтимал қауіп-қатердің алдын алуға және жолдағы төтенше жағдайларды азайтуға көмектеседі.

Полицейлер барлық жол қозғалысына қатысушыларға үндеу жасайды: рөлге отырар алдында денсаулығыңызды тексеріп алыңыз және барынша мұқият болыңыз. Жол үстінде телефонмен сөйлесуден және жолаушылармен алаңдататын әңгімелерден бас тартыңыз. Ережелерді қатаң сақтау – сіздің және айналаңыздағы адамдардың қауіпсіздігінің басты кепілі.


                                                                                                                                                                                                               ШҚО ПД баспасөз қызметі