Тұрғындармен өзара іс-қимыл – «Учаске» ЖПІШ-тің басты мақсаты

                                                                                             Тұрғындармен өзара іс-қимыл – «Учаске» ЖПІШ-тің басты мақсаты

1 қыркүйектен бастап республика көлемінде дәстүрлі «Учаске» жедел профилактикалық іс-шарасы басталды.

Басты міндет – учаскелік инспекторлардың халықпен өзара байланысын нығайту, тұрғын үй секторларын аралау, құқықбұзушылықтың алдын алу, қару иелерін тексеру және пробация қызметінде есепте тұрған адамдарды тексеру.

Әсіресе әрбір аулада және әрбір үйде қауіпсіз әрі сенімді орта қалыптастыруға ерекше назар аударылады. Полиция атап өткендей, тек азаматтармен тығыз ынтымақтастық әрекет ету арқылы ғана проблемаларға жедел ден қойып, құқықбұзушылықтың алдын алуға болады.

ЖПІШ аясында учаскелік инспекторлар үйлерді аралап, отбасыларға барып, тұрғындармен кездесіп, мазалап жүрген мәселелерін шешуге көмек көрсететін болады.

Полиция азаматтарды аталған іс-шараға түсіністікпен қарап, қолдау көрсетуге шақырады, өйткені әрбір жанның қауіпсіздігі – баршамыздың ортақ міндетіміз.


                                                                                                                                                                                                             ШҚО ПД баспасөз қызметі