Қолдау көрсеткен сақшыларға алғыс

Жуырда Ақтөбе станциясындағы желілік полиция бөлімінің қызметкерлері мен Есет Ешмағамбетовке алғысын айтып келген Ажимбетова Жанар жол бойында қиыншылыққа тап болған қиын сәттерін еске алып, көзіне еріксіз жас алды. Ол 20 қазанда Ресей Федерациясы Мәскеуге 300 мың айлығы бар жұмысқа жолға аттанады. Діттеген жеріне барған соң уәде етілген жұмысы болмай, басқа елде сан соғып қалады. Жол азабын тартып, қалайда Қазақстанға оралуға бел буады.

"Белгород қаласынан Ақтөбеге газельмен жеттім. Ақтөбе облысы аумағына өткен соң, Ақтөбе қаласының теміржол вокзалына келдім. Мұнда полиция бөлмесіне келіп, тәртіп сақшыларынан көмек сұрадым. Жол бойында қаражатым таусылды. Бірнеше күн тамақтанбадым" -дейді Жанар Ажимбетова.

"Ақтөбе станциясындағы желілік полиция бөлімінің басшысы Сарыбай Жанғалиұлы Сәрсеновке жолығып, бастан кешкен жағдайымды айттым. Ол қарамағындағы қызметкерлерге маған көмектесуін тапсырды. Полиция қызметкерлері мені тамақтандырып, жағдайымды жасады. Мен өз алғысымды полиция старшинасы Есет Ешмағамбетовке айтамын. Ол жылы шыраймен маған «апа барлығы жақсы болады, сіз өз еліңіщдесіз гой деп маған үйге оралуыма Нұрсұлтан қаласына өз қаражатынан жол жүру билетін алып берді.

Мен басқа елге жұмыс іздеп барып, жол бойында алданған адаммын. Арманым елге оралу болды, мен тәубеге келдім. Өз елімнен артық ештене жоқ екенін түсіндім. Мұндай қиын жағдайға түскен адамға қолдау білдірген Ақтөбелік көлік сақшыларына алғысымды айтамын" – дейді 48 жастағы Нұр-Сұлтан қаласының тұрғыны Жанар Ажимбетова.