Солтүстікқазақстандық полицей қазақ күресінен әлем кубогының күміс жүлдегері атанды

Солтүстік Қазақстан облысы полиция департаментінің бастығы Айдын Қабдұлдинов қазақ күресінен Әлем кубогының күміс жүлдегері атанған ПД аппаратының қызметкері Батырхан Қайырбекті құттықтады. Дүбірлі дода Түркістан қаласында өтті, оған 9 елден келген палуандар қатысты. Батырхан 74 кг. салмақ дәрежесінде 2 орынды иеленді.

Облыстық полиция ведомствосының басшылығы қызметкерлердің спорттық талпыныстарын қолдап отырады. Полиция капитаны Қайырбек – СҚО полиция департаментінің болашағынан үлкен үміт күттіретін спортшыларының бірі. Ол ҚР ІІМ құрамасында өнер көрсетеді, биыл қазақ күресінен Қазақстанның төрт дүркін чемпионы және құрметті «динамошы» атанды.

Полиция генерал-майоры Айдын Қабдұлдинов погондағы палуанға келешекте сәттілік пен табыс тіледі. Ол осындай спорттық жетістіктер полиция қызметкерлерін өзін-өзі дамытуға ынталандыратындығын және полиция қызметінің имиджін нығайтуға көмектесетіндігін атап өтті.