Петропавл полицейлері қоғамдық орындардың ластау фактілерін бейнебақылау камераларының көмегімен анықтауда
Полиция қызметкерлері «Заң және тәртіп» қағидатын іске асыру аясында ұсақ құқық бұзушылықтарға нөлдік төзімділік бойынша жұмысты жандандырды. Облыс орталығында күн сайын ондаған құқық бұзушылықтар анықталады.
Қарашаның 18-і күні сағат 15: 38-де Астана-Бостандық көшелерінің қиылысында бейнебақылау инспекторлары жедел басқару орталығының камераларының көмегімен ұсақ бұзақылық фактісін тіркеді. Қала тұрғыны темекі тұқылын рұқсат етілмеген орында лақтырып, бұл іс-әрекетімен қоғамдық орынды пайдаланатын жерді ластады. Нәтижесінде 38 жастағы ер адамға Қазақстан Республикасы Әкімшілік құқық бұзушылықтыры туралы кодексінің 434-2 бабы бойынша хаттама толтырылды. Баптың санкциясы он айлық есептік көрсеткіш мөлшерінде айыппұл салуға әкеп соғады.
«Заң және тәртіп» шеңберінде қылмыстар мен құқық бұзушылықтарды анықтау бойынша полиция жұмысы жалғасуда.