СҚО-да полицейлер жергілікті тұрғынның жүгінуі бойынша есірткіні жарнамалаған және сатты деген күдіктіні ұстады

СҚО ПД есірткі қылмысына қарсы іс — қимыл басқармасының қызметкерлері еріктілермен бірге есірткі сататын интернет-дүкендердің мекен-жайлары жазылған есірткі граффитиі деп аталатын жазуларды бояу бойынша кезекті акция өткізді. Акция Петропавлдың шеткі аудандарының бірінде өткізіліп, 50-ден астам жазба боялды.

Акция барысында жергілікті кәсіпкер полицейлерге хабарласып, оның дүкенінің сыртқы бейнекамерасы есірткі граффитиін салу процесін тіркегенін хабарлады. Осы жазбаның арқасында Жамбыл облысының 22 жастағы тұрғыны жедел түрде орнатылып, ұсталды. Оның айтуынша, ол жақында қалаға келіп, 50-қа жуық граффити жасай үлгерген.

"Күдіктінің жалдамалы тұрғын үйін тінту кезінде бояу құтыларынан басқа 160 гр "мефедрон" және "α-PvP" синтетикалық есірткі, электронды таразы, буып — түю материалдары табылды, - деп хабарлайды СҚО ПД бастығының орынбасары полиция полковнигі Асқар Мұхаметқалиев. - Қазіргі уақытта жас жігіт қамауда отыр. Ол есірткіні заңсыз жарнамалау мен насихаттауға, сондай-ақ есірткіні аса ірі мөлшерде сатты деп күдіктенуде".

Полицейлер атап өткендей, қатысуы есірткі қылмысына қарсы күресте азаматтық қоғамның маңызды көмек болып табылады. Егер сізде жедел қызығушылық тудыруы мүмкін ақпарат болса, полицияға 8 (7152) 39-41-93, WhatsApp 8-707-500-96-65 немесе "102" арнасы арқылы хабарласуға болады.