СҚО-да полицейлер тұрғындардың сұрақтарына жауап беруде

Солтүстік Қазақстан облысында полицейлер халықтың сұрақтарына «Жолдағы қабылдау» дәстүрлі республикалық акциясы аясында әлеуметтік желілерден тікелей эфирде жауап беруде. Сондай-ақ, 8 (7152) 32-00-22, 32-00-19 тел. арқылы «тікелей желі» жұмысы ұйымдастырылды.

«Бұрыш баллонына рұқсат қажет пе?» - деген пайдаланушы сұрағына өзін-өзі қорғау құралын қаңғыбас иттерден және өзін-өзі қорғаудан қорғау құралы ретінде еркін сатып алуға болады деп түсіндірді Солтүстік Қазақстан облысы полиция департаменті Әкімшілік полиция басқармасының аға инспекторы полиция майоры Ерболат Қабұров.

Сондай-ақ, ол қару сейфінде бөгде заттарды сақтауға тыйым салынатынын еске салды. Тәжірибе көрсетіп отырғандай, бұл қару иелерінің жиі жасайтын бұзушылықтарының бірі болып саналады.

Солтүстік Қазақстан облысы полиция департаменті процессингтік орталығының бастығы полиция подполковнигі Әсет Мәтен пайдаланушының сұрағына жауап бере отырып, 16 жастан бастап көлік жүргізуді үйренуге болатынын және оларға «А1» санаты берілетінін хабарлады. Алайда жүргізуші куәлігін тек 18 жасында ғана алуға болатынын айтты.

Акция қыркүйектің 13 және 14 аралығында өткізіледі. Облыстық полиция департаментінің әкімшілік, көші-қон және жергілікті полиция қызметтері бөлімшелерінің басшылары мен тәжірибелі қызметкерлері өз жұмыстары туралы айтып, пайдаланушылардың сұрақтарына толық жауап береді. Жарты күнде полицейлерге барлығы 20-дан астам сұрақ келіп түсті. Осындай жұмысты аймақтың аумақтық бөлімшелері өздерінің әлеуметтік желілердегі аккаунттарында жүргізеді.