Бүгінгі таңда террористік қауіп қандай, олар туындаған жағдайда қорғану шаралары қандай

Бүгінгі таңда террористік қауіп қандай, олар туындаған жағдайда қорғану шаралары қандай – бұл туралы Б.Әшімов атындағы Петропавл машина жасау және көлік колледжінің оқушыларына СҚО ПД экстремизмге қарсы іс-қимыл басқармасының қызметкерлері айтты.

СҚО әкімдігінің дін істері басқармасымен бірлесіп ұйымдастырылған бұл сабақ С.Мұқанов атындағы облыстық кітапханада өтті. Тәртіп сақшылары мен мамандар жастарға «терроризм», «радикализм» және т.б. ұғымдарды түсіндірді. Сондай-ақ дін саласындағы террористік қылмыстар мен құқық бұзушылықтар үшін Қазақстан Республикасының заңнамасымен көзделген жауапкершілік туралы айтты.