Полицейлер әйелдер мен балаларға қатысты зорлық-зомбылыққа қарсы жаңа заң аясында жұмысқа дайындалуда

СҚО полиция департаменті анықтау басқармасының қызметкерлері жергілікті полиция қызметі бөлімшелерінің қызметкерлеріне отбасылық-тұрмыстық зорлық-зомбылыққа қарсы іс-қимылға қатысты қылмыстық жаңашылдықтарды зерделеу бойынша әдістемелік көмек көрсетуді жалғастыруда.

Учаскелік полиция инспекторлары, ювеналды полицейлер, патрульдік қызметкерлер, сондай-ақ анықтаушылар, тергеушілер мен жедел уәкілдер өз қызметінің ерекшелігіне байланысты дабыл қоңырауларына мезгіл-мезгіл қызмет көрсетеді; тұрмыстық зорлық-зомбылыққа байланысты хаттамаларды ресімдейді және қылмыстық істерді тергейді. Дәрістер мен сабақтар барысында облыстық полицияның тәжірибелі анықтаушылары 2024 жылдың маусым айында күшіне енетін заңнамадағы өзгерістер негізінде әріптестерін тәжірибеге мұқият дайындайды.

"Отбасылық-тұрмыстық зорлық-зомбылыққа қарсы іс — қимылға қатысты тиісті заңдарға Қазақстан Республикасының Президенті Қасым-Жомарт Тоқаев 15 сәуірде қол қойды, - деп атап өтті СҚО ПД бастығының орынбасары полиция полковнигі Еңбек Сембин. - Мемлекет басшысы 2022 жылдың наурызында және 2023 жылдың қыркүйегінде Қазақстан халқына Жолдауында әйелдер мен балаларға қатысты зорлық-зомбылық үшін жауапкершілікті қатаңдатуды тапсырды. Негізгі өзгерістер әйелдер мен балаларға қатысты құқық бұзушылықтар үшін жазаны қатаңдатуға қатысты болды. Мысалы, тұрмыстық зорлық-зомбылық, кісі өлтіру үшін өмір бойына бас бостандығынан айыру және балаларға қатысты жыныстық зорлық-зомбылық үшін қылмыстық жауапкершілік енгізілді".

Әйелдер мен балаларға қатысты зорлық-зомбылыққа байланысты қылмыстық істер бойынша жұмыс тактикасы мен әдістемесін зерделеуді Солтүстік Қазақстан полицейлері кездесулер барысында ғана емес, бейнеконференциялар форматында да жүргізеді.