Учаскелік полиция инспекторлары отбасылық-тұрмыстық зорлық-зомбылыққа қарсы қылмыстық новеллаларды зерттеп жатыр

Солтүстік Қазақстанда полицейлер отбасылық-тұрмыстық зорлық-зомбылыққа қарсы іс-қимыл жөніндегі жаңартылған заңнама шеңберінде жұмыс істеуге дайындалуда. Облыстық полиция департаментінің анықтау басқармасының қызметкерлері барлық мүдделі бөлімшелердің жеке құрамы үшін дәрістер өткізуде.

"Тиісті заңдарға Қазақстан Республикасының Президенті Қасым-Жомарт Тоқаев 15 сәуірде қол қойды. Мемлекет басшысы 2022 жылдың наурызында және 2023 жылдың қыркүйегінде Қазақстан халқына Жолдауында әйелдер мен балаларға қатысты зорлық-зомбылық үшін жауапкершілікті қатаңдатуды тапсырған болатын. Негізгі өзгерістер әйелдер мен балаларға қатысты құқық бұзушылықтар үшін жазаны қатаңдатуға қатысты болды. Мысалы, тұрмыстық зорлық-зомбылық, кісі өлтіру үшін өмір бойына бас бостандығынан айыру және балаларға қатысты жыныстық зорлық-зомбылық үшін қылмыстық жауапкершілік енгізілді", — деп түсіндіреді Солтүстік Қазақстан облысы полиция департаменті бастығының орынбасары Еңбек Сембин.

Өзгерістер маусым айында күшіне енеді, ал учаскелік инспекторлар, жедел уәкілдер, тергеушілер мен анықтаушылар — басшылықтан бастап қарапайым қызметкерлерге дейін — сабақтарда заңнамалық жаңалықтардың қыр-сырын, әйелдер мен балаларға қатысты зорлық-зомбылыққа байланысты қылмыстық істер бойынша жұмыс тактикасы мен әдістемесін талдайды. Сабақтар офлайн режимінде де, бейнеконференция форматында да өткізіледі.

Полиция полковнигі Сембин әйелдер мен балаларға қарсы жасалған қылмыстар Мемлекет басшысының ғана емес, жұртшылықтың да ерекше бақылауында екенін атап өтті.