СҚО полиция департаментінде жауынгерлер құрметке ие болды
Жиналысқа облыстық және қалалық полицияның негізгі бөлімшелерінің басшылығы мен қызметкерлері қатысты.
СҚО ПД бастығы полиция полковнигі Айдын Қабдұлдинов барлық жеке құрамның атынан ардагерлерге құрмет білдірді: "Сіздер полицияда әртүрлі лауазымдарда қызмет еттіңіздер, бірақ бәріңізді біріктіретін бір нәрсе бар: бұл соғыста сіздер батылдық пен ерліктің үлгісін көрсеттіңіздер. Уақыт өтеді, өткен оқиғаларға деген көзқарас өзгереді, тек бір нәрсе өзгеріссіз қалады: әскери борышқа адалдық. Ауғанстанның қатал және ерекше жағдайларында, Отаннан алыс жерде, сіздер әскери сынақтарға адалдықпен төтеп бердіңіздер".
Жеке құрамның қатысуымен облыстың бас полицейі ардагерлерге "Кеңес әскерлерінің Ауғанстаннан шығарылғанына 35 жыл" мерейтойлық медальдарын, сондай-ақ естелік сыйлықтар табыс етті.
1990-2000 жылдары СҚО полициясында бұрын Ауғанстанда мерзімді әскери қызмет өткерген 24 қызметкер еңбек етті. Олардың барлығы полицияда әртүрлі лауазымдарда үлгілі қызмет етіп, өз облысында қоғамдық тәртіп пен жол қауіпсіздігін қамтамасыз етті. Қазір бұл адамдардың барлығы құрмет демалысында, бірақ олар полициямен байланысты ешқашан үзбейді; құқық қорғау органдарын жас қызметкерлерін тәрбиелеуге әрдайым көмектеседі.