СҚО полицейлері 3 күн ішінде 12 мас жүргізушіні анықтады

5 ақпаннан бастап Солтүстік Қазақстан облысы полицейлері жол қозғалысы ережелерінің сақталуын бақылауды күшейтті. Облыста "Қауіпсіз жол" жедел-профилактикалық іс-шарасы өткізілуде. Күн сайын 400-ден астам полиция қызметкері апаттылыққа және жол көлік оқиғалары зардаптарының ауырлығына тікелей әсер ететін өрескел бұзушылықтарды анықтау бойынша жұмыс жүргізуде.

Мас күйінде көлік басқарудың 12 фактісі анықталды. Мысалы, Петропавлдағы Қожаберген жырау тас жолында полицейлер 38 жастағы ресейлік мас күйінде басқарған "Toyota Camry" автокөлігін тоқтатты. Тексеріс барысында жолаушылар орнында отырған 43 жастағы Петропавл қаласының тұрғыны көлік иесі болып шықты. Ол өзінің досымен бірге алкоголь ішкенін, содан кейін көлік басқаруға рөлді бергенін түсіндірді. Сот шешімімен Қазақстанға қонаққа келген ер адам — мас күйінде көлік басқарғаны, ал петропавлдық — көлік басқаруды мас күйінде тұрған адамға бергені үшін екеуі де 15 тәулікке әкімшілік қамауға алынды. Сондай-ақ, келесі 7 жыл ішінде оларға көлік құралдарын басқаруға тыйым салынады.

"Жедел алдын алу іс-шарасының 3 күні ішінде облыс жолдарында 890 жол жүрісі қағидалары бұзушылығы анықталды. Ең жиі кездесетін бұзушылық жылдамдықты шамадан тыс арттыру, осындай 152 факті тіркелді. Өткен жылы жылдамдық режимінің бұзылуынан 16 жол көлік оқиғасы орын алды. Салдарынан 7 адам қаза тауып, 21 түрлі дене жарақаттарын алған. Ал 2024 жылдың қаңтар айында 1 жол көлік оқиғасы салдарынан үш адам жарақат алды. Бұл бұзушылық Солтүстік Қазақстанның күрделі климаттық жағдайларында ерекше қауіпті. Жол қозғалысының барлық қатысушыларын Жол қозғалысы ережелерін қатаң сақтауға шақырамыз. Естеріңізде болсын: жолдағы қауіпсіздік жүргізушілер мен жаяу жүргіншілердің тәртібінен басталады", - дейді Солтүстік Қазақстан облысы полиция департаменті жергілікті полиция қызметі басқармасы бастығының орынбасары полиция подполковнигі Александр Розбах.