СҚО полицейлері сертификатталмаған пиротехниканы анықтау бойынша рейдтердің қорытындысын шығарды

Солтүстік Қазақстан облысы полиция департаментінің әкімшілік полиция басқармасында 10 күндік «Пиротехника» республикалық жедел алдын алу іс-шарасының қорытындысы шығарылды. 25 желтоқсаннан бастап әкімшілік полицияның, жергілікті полиция қызметінің, төтенше жағдай департаментінің құрамында 97 бірлескен топ бар 300-ден астам қызметкері сертификатталмаған пиротехникалық бұйымдарды сату орындары бойынша рейдтер мен тексеру жұмыстарын жүргізді. Нәтижесінде жүздеген жерлер тексеріліп, азаматтармен 400-ден астам түсіндіру жұмыстары өткізілді.

«Пиротехника» жедел алдын алу іс-шарасының қорытындысы бойынша Қазақстан Республикасы әкімшілік құқық бұзушылық туралы кодексінің 196-бабы бойынша 19 әкімшілік құқық бұзушылық анықталды. Сертификатталмаған 986 пиротехникалық бұйым тәркіленді. Облыс тұрғындарының, соның ішінде кәмелетке толмағандардың медициналық мекемелерге жүгіну фактілері тіркелген жоқ ", - деп хабарлады Солтүстік Қазақстан облысы полиция департаменті әкімшілік полиция басқармасының бастығы полиция подполковнигі Серік Әлжанов.