Петропавл полицейлері қаланың ортасында итін серуендетіп жүрген мас әйелді анықтады

Петропавл қаласы полиция басқармасы жергілікті полиция қызметі бөлімінің бастығы полиция подполковнигі Айдын Ақмағамбетов қызмет атқару барысында Қазақстан Конституциясы мен Горький көшелерінің қиылысында итті серуендетіп жүрген үш әйелді байқап қалды. Стаффордширлік терьердің тұмсығында тұмылдырығы тағулы болған, әрі ұзын мойын жіппен жетектеп жүрген. Полиция қызметкеріне иттің иесі мас күйде екені көрінді. Тексеру барысында екі әйел полицейлердің заңды талабына бағынбады. Нәтижесінде 1984 және 1988 жылы туған әйелдер медициналық куәландыруға жеткізілді. Оның нәтижесі әйелдердің мас күйде болғанын көрсетті.

СҚО ПД Кинологиялық қызмет орталығының қызметкерлері итті уақытша орталықтағы торға орналастырды. Әйелдер полиция басқармасына жеткізіліп, оларға қатысты ҚР Әкімшілік құқық бұзушылық туралы кодексінің 407-2, 434 және 667-баптары бойынша бірнеше хаттама толтырылды. Процесстік шешім қабылдау үшін жиналған материалдар сот органдарының қарауына жіберілді. Кейін мастығы тараған иесі итін алып кетті.

Полиция подполковнигі Айдын Ақмағамбетовтың ақпаратынша, жыл басынан Петропавл қаласында жануарларға жауапкершілікпен қарау саласындағы заңнаманы бұзғаны үшін 400 астам адам жауапкершілікке тартылған. Апта сайын учаскелік полиция инспекторлары қаланың әр бөлігінде тексеру және түсіндіру жұмыстарын жүргізіп тұрады. Алайда, нақты құқық бұзушылық орын алған жағдайда хаттама толтыруға мәжбүр болады.

«Иттер мен мысықтарды бағып-қағу және серуендету қағидаларын бұзудың алдын алу, тазалық пен абаттандыруды сақтау жөніндегі профилактикалық жұмыстар жалғасуда», - дейді қалалық полицейлер.

#ҚРІІМ #МВДРК #QRIIM #MVDRK #СҚО_ПД #ДПСКО #СҚО_полицейлері #полицейские_СКО #SQOPD #SQO_PD #Polisia #Полиция #Police #Polizei #policía #polizia