Петропавлда иттер мен мысықтарды бағып-қағу және серуендету қағидаларын бұзған 410 адам жауапкершілікке тартылды

Петропавл қаласы полиция басқармасының қызметкерлері иттер мен мысықтарды ұстау және серуендету қағидаларының бұзушылықтарын ескерту, тазалықты сақтау және абаттандыру ережелерін бұзудың алдын алу жұмыстарын жүргізуде. Саябақтар мен көшелерде учаскелік полиция инспекторлары жануарлардың иелерімен әңгімелесеу жұмыстарын жүргізіп, құқық бұзушылықтар үшін көзделген жауапкершілік туралы ескертеді.

Рейдтік іс-шаралардың негізгі мақсаты – профилактикалық сипаттағы жұмыстар жүргізу және түсіндіру. Төрт аяқты серіктерін бағып-қағып жүрген қала тұрғындары полиция қызметкерлерінің жұмысына және бекітілген талаптарға түсіністікпен қарайды. Дегенмен, бұзушылықтар да жоқ емес. Адамдардың кейбірі иттеріне тұмылдырықтарын тақпайды, оларды жетектемей, қарғы бауын шешіп, бос қоя береді. Егер қабаған ит белгілі бір себептермен көшеде емін-еркін жүрсе, бұл айналадағылар үшін өте қауіпті. Мұндай жағдайларда тәртіп сақшылары хаттама толтырады. ҚР Әкімшілік құқық бұзушылық туралы кодексіне сәйкес, жануарларға жауапкершілікпен қарау саласындағы заңнаманы бұзу үшін 10 айлық есептік көрсеткіш көлемінде айыппұл қарастырылған – 34 500 теңге. Жыл басынан облыс орталығында осындай бұзушылықтар үшін 400-ден асстам адам жауапқа тартылды.

Петропавл қ. ПБ жергілікті полиция қызметі бөлімінің бастығы полиция подполковнигі Айдын Ақмағамбетовтың айтуынша, бұл жұмыстар күн сайын жүргізіледі екен. Негізінен, бұл – жеке сектор мен көп қабатты үйлерде тұратын жануарлардың иелері арасында түсіндіру жұмыстарын жүргізу. Учаскелік полиция инспекторлары үй жануарларының иелерімен кездескен кезде үй жануарларын ұстау және серуендету қағидаларын қосымша түсіндіріп отырады. Бұл ережелер өткен жылдың қыркүйек айында облыстық мәслихаттың сессиясында бекітілді. Айта кету қажет, бұл қағидаларды сақтамау үшін әкімшілік жауапкершілік көзделген. Тек сәрсенбі күні қалалық полицейлер абаттандыру ережелерін бұзудың 35 фактісін анықтады. Оның 31-нде ереже бұзушыларға ескерту берілді, 4 адамға айыппұл салынды. Бұдан бөлек, ит серуендеткен 4 адам ҚР Әкімшілік құқық бұзушылық туралы кодексінің 407-2-бабы бойынша жауапқа тартылды.

Полицейлердің айтуларынша, бұл жердегі мақсат – хаттама толтыру емес. Ең бастысы – адамдардың, әсіресе, балалар мен жасөспірімдердің қауіпсіздігін қамтамасыз ету, көшелер мен аулаларда тазалықты сақтау және санитарлық нормативтердің сақталуын қамтамасыз ету.

#ҚРІІМ #МВДРК #QRIIM #MVDRK #СҚО_ПД #ДПСКО #СҚО_полицейлері #полицейские_СКО #SQOPD #SQO_PD #Polisia #Полиция #Police #Polizei #policía #polizia