Жыл басынан бері Петропавл полицейлері абаттандыру ережелерінің 2700-ден астам бұзушылығын анықтады

Туған қаланың көшелеріндегі тазалық пен тәртіп әр адамның жауапкершілігіне байланысты. Петропавл полицейлері абаттандыру ережелерін сақтау бойынша тұрақты негізде рейдтер жүргізеді. Назар аудару аймағында — үй маңындағы аумақтар, тұрғын үйлердің, ұйымдар мен кәсіпкерлік объектілерінің қасбеттері. Кей кезде былтырдан қалған шабылмаған және жиналмаған шөптер, құрылыс қоқыстары, белгісіз жерлердегі қоқыс - мұндай суретті кейде қаланың жер үйлер орналасқан аймақтарынан көруге болады. Полицейлер жергілікті тұрғындармен кездесіп, іргелес аумақты тиісті түрге келтіру қажеттігін, ҚР Әкімшілік құқық бұзушылық туралы Кодексінің 505-бабы бойынша жауапкершілік туралы еске салады. Жыл басынан бері облыс орталығында абаттандыру ережелерін бұзудың 2706-дан астам фактісі анықталды. Оның ішінде 2615 бұзушыға ескерту ретіндегі ықпал ету шарасы қолданылды.

"Қызметкерлер тұрғындарға кемшіліктерді жоюға уақыт береді, — деп хабарлайды Петропавл қ. ПБ ЖПҚ бөлімшесі бастығының м. а. полиция майоры Жақсылық Байбусинов. — ҚР ӘҚБтК-нің 505-бабының санкциясына сәйкес қасақана бұзушыларға 20 айлық есептік көрсеткіш мөлшерінде айыппұл салынады, бір жыл ішінде қайта бұзылған жағдайда-30 АЕК. Сонымен қатар, учаскелік инспекторлар интернет-алаяқтықтың, велосипед ұрлығының және басқа да қылмыстардың алдын алу бойынша жұмыстарды жүргізеді. Мұндай айналымдардың мақсаты - абаттандырудың тиісті деңгейін қамтамасыз ету ғана емес, сонымен қатар жұмыстың сервистік моделі шеңберінде халықпен байланысты нығайту".

#ҚРІІМ #МВДРК #QRIIM #MVDRK #СҚО_ПД #ДПСКО #СҚО_полицейлері #полицейские_СКО #SQOPD #SQO_PD #Polisia #Полиция #Police #Polizei #policía #polizia