СҚО полицейлері бес күн ішінде 29 мас жүргізушіні анықтады

Солтүстік Қазақстан полицейлері жол қауіпсіздігін нығайтуға бағытталған шараларды үнемі қабылдауда. Мас күйінде көлік құралдарын басқару фактілері өзекті мәселелердің бірі болып қала беруде.

Мысалы, түн уақытында "Mitsubishi" көлігін басқарған 45 жастағы Петропавл тұрғыны тоқтатылды-ол қалалық кафелердің бірінде "демалғаннан" кейін үйіне қайтып келе жатқан. Медициналық куәландыру алкогольдік мас күйін растады. ҚР Әкімшілік құқық бұзушылық туралы Кодексінің 608-бабы бойынша материал жиналды. Ер адам 15 тәулікке әкімшілік қамауға алынып, келесі 7 жыл ішінде ол көлікті тек жолаушы ретінде ғана пайдалана алады.

Ал Қызылжар ауданында Асаново ауылының маңында полицейлер 39 жастағы ауыл тұрғынының басқаруымен "Mercedes" көлігін тоқтатты. Мас күйінде ол мас жолаушыларды тасымалдаған, сонымен қатар оның көлікті басқару құқығы болмаған. ҚР ӘҚБтК 608-бабының 6-бөлігіне сәйкес, ол 20 тәулікке қамауға алынды.

Бұл фактілер облыста 7-11 маусым аралығында өткен "Мас жүргізуші" жедел-алдын алу іс-шарасы барысында анықталды.

"Әрбір осындай сапар ықтимал қайғылы оқиға екенін түсіну маңызды", — дейді СҚО ПД ЖПҚ басқармасының бастығы полиция полковнигі Айдын Байматов. - 5 ай ішінде Солтүстік Қазақстан облысында мас жүргізушілердің кінәсінен 9 жол-көлік оқиғасы орын алып, 4 адам қаза тауып, 11 адам жарақат алды. Мас күйінде көлік жүргізу фактілерімен күресу-қозғалыс қауіпсіздігін қамтамасыз етудің негізгі міндеттерінің бірі".

Облыс жолдарында 5 күн ішінде полиция қызметкерлері 29 мас жүргізушіні тоқтатты. Сондай-ақ, 1,5 мыңнан астам жол қозғалысы ережелерін бұзу анықталды.

#ҚРІІМ #МВДРК #QRIIM #MVDRK #СҚО_ПД #ДПСКО #СҚО_полицейлері #полицейские_СКО #SQOPD #SQO_PD #Polisia #Полиция #Police #Polizei #policía #polizia