СҚО полицейлері жаңадан ашылған ауыл дүкенінен 70 литр алкоголь тәркіледі

Қызылжар ауданының ауылдарының бірінде жаңадан дүкен ашылды, онда басқа тауарлармен қатар, жергілікті тұрғындарға сырадан бастап күшті сусындарға дейінгі таңдау күтіп тұрды. Ашылғаннан кейін учаскелік инспектор дүкен иесінен алкоголь саудасына рұқсат беретін лицензияны көрсетуді сұрады. Нәтижесінде, рұқсат құжаттары болмай шықты. Полицейлер дүкен сөресінен жалпы құрамында 70 литр алкоголь бар өнімді тәркіледі. ҚР Әкімшілік құқық бұзушылық туралы кодексінің 463-бабы бойынша жиналған материал сотқа жіберілетін болады. Кәсіпкерге 25 айлық есептік көрсеткіш мөлшерінде айыппұл салынады. Айта кетерлік жайт, бұл ауданда орын алып жатқан бірінші жағдай емес - бұрын лицензиясыз сауда жасайтын басқа ауылдық дүкеннен 125 литр алкоголь тәркіленген болатын.

 

"Алкогольді бақылаусыз сату қылмыстар мен құқық бұзушылықтар жасауға жағдай жасайды, сондықтан алкогольге қарсы заңнаманы сақтау учаскелік инспекторлардың маңызды жұмыс желілерінің бірі болып қала береді", — дейді СҚО ПД ЖПҚ басқармасының бастығы полиция полковнигі Айдын Байматов. "Жыл басынан бері облыста 3 мың литрге жуық алкоголь бар өнім заңсыз айналымнан тәркіленді".