СҚО-да үш жас суретші полицейлерден грамоталар мен сыйлықтар алды

Жыл басынан бері Солтүстік Қазақстан облысының жолдарында балалардың қатысуымен 5 ЖКО тіркелді, 1 бала қайтыс болды, 4 бала жарақат алды. Балалардың жол-көлік жарақаттануының алдын алу үшін жергілікті полиция қызметінің басқармасы кешенді профилактикалық жұмыс жүргізуде. Іс — шаралардың бірі 9-14 жас аралығындағы балаларға арналған "Менің қаламдағы қауіпсіз жол қозғалысы" тақырыбындағы суреттер байқауы болды - "Бала және бағдаршам" республикалық жобасының бір бөлігі, оның аясында қозғалыстың жас қатысушылары ЖҚЕ туралы білімдерін көрсетті. Байқаудың жүлдегерлері 14 жасар Вячеслав Кукса мен София Ноздрина болды, ал 10 жасар Айлана Таңатар 1-ші орынды жеңіп алды. Оқушыларды жеңісімен СҚО ПД бастығының бірінші орынбасары полиция полковнигі Қанат Айтбаев құттықтады. Ол жүлдегерлерге грамоталар мен естелік сыйлықтар табыс етті.

"Шығармашылық конкурстар — ЖҚЕ есте сақтаудың, оқушылардың жолдарда қауіпсіз жүріс-тұрыс дағдыларын қалыптастырудың тиімді құралы", - дейді СҚО ПД ЖПҚ басқармасының бастығы полиция полковнигі Айдын Байматов. — Жазғы демалыс қарсаңында ата-аналардан балаларымен барлық ережелерді қатаң сақтау қажеттілігі туралы қосымша әңгімелер өткізуді сұраймыз. Қалада серуендеу кезінде ғана емес, көп қабатты үйлердің аулаларында да қырағы болу, велосипедтер мен скутерлерде, мопедтерде және гироскутерлерде жүру кезінде сақтық шаралары мен жол ережелерін сақтау маңызды. Ата-аналар мұндай әңгімелерді жүргізіп қана қоймай, жол ережелерін сақтау үлгісін жеке мысалмен көрсетулері қажет".

#ҚРІІМ #МВДРК #QRIIM #MVDRK #СҚО_ПД #ДПСКО #СҚО_полицейлері #полицейские_СКО #SQOPD #SQO_PD #Polisia #Полиция #Police #Polizei #policía #polizia