СҚО полицейлері заңгер студенттерді тергеу жұмысымен таныстыруда
Солтүстік Қазақстан университетінің болашақ заңгерлері полицияда болып қайтты. Тәртіп сақшылары оларға қылмыс орнында заттай дәлелдемелер жинау жұмыстары қалай жүргізіліп жатқанын көрсетіп, тергеу процесінің ерекшеліктерімен таныстырды.
Экскурсия алаңы СҚО ПД жедел-криминалистикалық басқармасының полигоны болды. Мұнда нақты заттар мұражайы, сонымен қатар практикалық сабақтарға арналған экспонаттар бар. Тәжірибелі криминалистердің бірі Александр Хлевов СҚУ-нің үшінші курс студенттерін қару-жарақтың бай қорымен, соның ішінде қылмыс орындарынан алынған қару-жарақпен таныстырды, криминалистердің қандай іздерді жазып, зерттеп жатқанын айтты. Аяқ киім мен бұзу құралдарының іздері, биологиялық және одорологиялық іздер -көптеген жұмыс бағыттары бар. Жеке бөлмеде ормандағы және кеңседегі қылмыс орындары имитацияланған. Студенттер криминалистердің практикалық дағдыларды қандай макеттерде қолданатынын өз көздерімен көрді.
Сонымен қатар, болашақ заңгерлер тергеуші Камила Дәулетбаеваның кабинетінде болды. Петропавл қ. ПБ тергеу бөлімінде ол талдамалық жұмыстармен айналысады, сонымен қатар тергеу-жедел тобының құрамында тәуліктік кезекшілікке үнемі қатысады. Полиция аға лейтенанты Дәулетбаева ұлдар мен қыздардың қылмыстық іс жүргізу туралы сұрақтарына электронды форматта, қызметтің ерекшеліктері туралы жауап берді. Орташа алғанда, тергеуші бір уақытта 13-15 іс жүргізеді. Жұмыс көлемі үлкен, бірақ ең бастысы қызметкер жұмыс уақытын дұрыс басқара алуы қажет.
"Манаш Қозыбаев атындағы СҚУ-мен ынтымақтастығымыздың мақсаты-ЖОО түлектерінің ішкі істер органдарына барынша дайындықпен келуіне ықпал ету, — дейді СҚО ПД бастығының орынбасары полиция полковнигі Еңбек Сембин. - Ағымдағы аптада өзара іс-қимыл күшейтілді: біз Солтүстік Қазақстан ЖОО қатысатын "Болашақ тергеушіге апарар жол" челленджін қолдадық. Студенттердің дайындық деңгейін арттыруға бағытталған кездесулер, дәрістер, экскурсиялар және басқа да іс-шаралар өткізілуде".
#ҚРІІМ #МВДРК #QRIIM #MVDRK #СҚО_ПД #ДПСКО #СҚО_полицейлері #полицейские_СКО #SQOPD #SQO_PD #Polisia #Полиция #Police #Polizei #policía #polizia