СҚО-да қозғалыс кезінде арнайы көліктерге жол бермеу фактілерін анықтау бойынша кенеттен рейдтер жүргізілуде

Патрульдік полицейлер қозғалыс кезінде арнайы жарық және дыбыс сигналдары iске қосылған жедел және арнайы қызметтердің көлiк құралының жүруiне басымдық бермеу фактілерін анықтау бойынша кенеттен рейдтер жүргізуде.

Таңертең, түсте және кешке – осы уақытта адамдар үйлері мен жұмыстың не болмаса оқу орнының арасында жеке көліктеріне немесе автобустарға мініп қатынайды.

Көшелерде көлік көбейетін уақытта «жедел жәрдем, «өрт сөндіру» қызметінің арнайы көліктерінің жүруі қиындайды. Жол үстінде жүргізушілер тәртібін арттыру мақсатында патрульдік полиция батальонының қызметкерлері профилактикалық рейдтер өткізіп тұрады. Бұның мақсаты – жол қозғалысының әрбір қатысушысына адамдардың өмірі қызыл және көк жарық сигналдары бар машиналардың жылдамдығы мен еш кедергісіз қозғалуына байланысты екенін жеткізу. Бұндай кезде әр секунд маңызды.

Тәжірибе көрсеткендей, облыс орталығының жүргізушілері тұрғындардың қоңырауларына асығып бара жатқан дәрігерлер мен өрт сөндірушілерге түсіністікпен қарайды. Десе де, бұзушылықтар да жоқ емес. Өткен жылы ҚР Әкімшілік құқық бұзушылық туралы кодексінің 598-бабы бойынша үш бұзушыға қатысты хаттамалар толтырылған. Осы баптың санкциясы жеті айлық есептік көрсеткіш мөлшерінде айыппұл салуды көздейді. Егер әкімшілік жаза қолданылғаннан кейін бір жыл ішінде қайталап ереже бұзылған жағдайда 15 АЕК мөлшерінде айыппұл қарастырылған.

Жыл басынан облыс жолдарында жол жүрісі қағидаларының 4300-ден астам бұзушылығы анықталған. Оның ішінде 530-ы – жылдамдықты асыру, 400-ден астамы – қауіпсіздік белдігі мен жаяу жүргіншілер тарапынан жасалған бұзушылықтар.

#ҚРІІМ #МВДРК #QRIIM #MVDRK #СҚО_ПД #ДПСКО #СҚО_полицейлері #полицейские_СКО #SQOPD #SQO_PD #Polisia #Полиция #Police #Polizei #policía #polizia