ІІМ мемлекетік қызметтерді тек электрондық үкімет порталы арқылы алуды ұсынады

Құрметті азаматтар!

Короновирус пандемиясына байланысты Қазақстан Республикасында жарияланған төтенше жағдай режимін назарға ала отырып, басқа адамдармен қарым-қатынастарды шектеу мақсатында, Ішкі істер министрлігі мемлекетік қызметтерді электрондық үкімет порталы арқылы алуды ұсынады. Ол үшін электрондық цифрлық қолтаңба және Интернет желісінің болуы қажет.

Көші-қон және жол қозғалысы саласында аса қажетті қызметтерді көрсету түрлері, мерзімдері мен шарттары туралы ақпаратты ұсынамыз.

Көші-қон саласында:
- Қазақстан Республикасы азаматтарын тұрғылықты жері бойынша тіркеу және тіркеу есебінен шығару. Қызмет Қазақстан Республикасы азаматтарының өтініші негізінде көрсетіледі. Қызмет көрсету мерзімі - 15 минут.
- Қазақстан Республикасы азаматтары-жеке тұлғаларының үй шаруашылығында жұмыс істеуге келген еңбекші көшіп келушілердің рұқсаттарын ұзарту. Қызмет алу үшін Қазақстан Республикасының азаматы-жұмыс беруші электрондық үкіметтің веб-порталына жүгіну қажет. Қызмет көрсету мерзімі - 1 жұмыс күн ішінде;
- Қазақстан Республикасына уақытша келетін шетелдіктерге жеке сәйкестендіру нөмірін қалыптастыру. Қызмет шетелдікті қабылдайтын Қазақстан Республикасы азаматтарының өтініші негізінде көрсетіледі. Қызмет көрсету мерзімі - 1 жұмыс күн ішінде;

Жол қозғалысы саласында:
- Қазақстан Республикасының бұрын есебінде тұрған көлік құралдарын тіркеу. Қызмет Қазақстан Республикасының азаматтары, Қазақстан Республикасы аумағында тұрақты тұратын шетелдік және азаматтығы жоқ адамдардың, сондай-ақ заңды тұлғалардың өтініші негізінде көрсетіледі. Қызметті көрсету мерзімі - 60 минут;
- Жүргізуші куәлігі мерзімі аяқталуына, сондай-ақ паспорттағы деректердің өзгеруіне байланысты ауыстыру. Қызмет Қазақстан Республикасының азаматтары, Қазақстан Республикасы аумағында тұрақты тұратын шетелдік және азаматтығы жоқ адамдардың, сондай-ақ заңды тұлғалардың өтініші негізінде көрсетіледі. Қызметті көрсету мерзімі-60 минут;
- Мемлекеттік нөмерлік белгіні және / немесе көлік құралын тіркеу туралы куәлігін жоғалту немесе тозған жағдайда телнұсқасын беру. Қызмет Қазақстан Республикасының азаматтары, Қазақстан Республикасы аумағында тұрақты тұратын шетелдік және азаматтығы жоқ адамдардың, сондай-ақ, заңды тұлғалардың өтініші негізінде қызмет көрсетіледі. Қызметті көрсету мерзімі - 3 жұмыс күні.

Назарларыңызға рахмет!