ҚҰРМЕТТІ СОЛТҮСТІКҚАЗАҚСТАНДЫҚТАР!

Республика аумағында заңды түрде жүрген әр азамат қолданыстағы заңнамаға сәйкес Қазақстан Республикасы бүкіл аумағында емін-еркін жүріп-тұруға құқылы.

ҚР заңнамасына сәйкес кәмелетке толмағандардың түнгі уақытта сағат 23.00-ден сағат 06.00-ге дейін заңды өкілдерінің еріп жүруінсіз тұрғынжайдан тыс жерде болуы, сондай-ақ, заңды өкілдерінің жүруінсіз сағат 22.00-ден сағат 06.00-ге дейін ойын-сауық мекемелерінде болуына тыйым салынған. Аталған талаптарды орындамау Қазақстан Республикасы Әкімшілік құқық бұзушылық туралы кодексінің 442-бабы бойынша кәмелетке толмағандардың заңды өкілдерін жауапкершілікке тартуды көздейді.

Кәмелетке толмағандардың ойын-сауық мекемелерінде және тұрғынжайдан тыс жерде болуын ескерту мақсатында СҚО Полиция департаментінің қызметкерлерімен тәуліктің түнгі уақытында рейдтік іс-шаралар өткізіледі.

ҚР аумағында төтенше жағдай енгізілуіне байланысты, азаматтарға өз қауіпсіздігі мен отбасы мүшелерінің қауіпсіздігін барынша қамтамасыз етуге, балалардың тұрғынжайдан тыс жерлерге шығуын азайтып, Дүниежүзі денсаулық сақтау ұйымы мен ҚР Денсаулық сақтау министрлігінің ауруды жұқтырудың алдын алу жөніндегі ұсынымдарын сақтауға кеңес береміз.

Сонымен қатар, полиция қызметкерлері балалардың тұрғынжайдан тыс жерлерде болуын анықтау бойынша қандайда бір іс-шараларды өткізбейді. Сондықтан сабырлық сақтауға, негізсіз фактілер мен фейктік жарияланымдарға ден қоймауды сұраймыз. Мұндай жалған ақпарат таратқаны үшін 1000 АЕК дейінгі айыппұл түріндегі қылмыстық жауаптылық немесе бір жылға дейінгі мерзімге бас бостандығын шектеу түріндегі жаза көзделген.

СҚО ПД Жергілікті полиция қызметі басқармасы