СҚО полицейлері колледж студенттеріне интернетте сақ болу жайлы айтты

Экстремизмге қарсы іс-қимыл басқармасының қызметкерлері Солтүстік Қазақстан университеті колледжінің 1 курс студенттерімен кездесу өткізді. Әңгіме барысында күрделі тақырыптар қозғалды: буллингтен бастап әлеуметтік желілердегі деструктивті ойындарға дейін . Ұжымда салауатты атмосфераның болмауы зорлық-зомбылық, қоғамдық қауіпті идеологияларға құштарлық, экстремистік көзқарастар көріністеріне толы. Шетелдердегі оқу орындарындағы жаппай атыстың атышулы мысалдары да құрбы-құрдастарының қудалауынан немесе деструктивті интернет-ресурстарға жүйелі түрде кіруден туындайды. Осындай тенденцияларды алдын алу мақсатында Солтүстік Қазақстан облысы ПД ЭҚІҚБ қызметкерлері мұғалімдермен, мектеп психологтарымен, кәмелетке толмағандардың істері жөніндегі учаскелік полиция инспекторларымен тығыз байланыста жұмыс жасауда.

«Профилактика өскелең ұрпақпен жұмыс істеуге негізделуі керектігі айдан анық, - дейді басқарма бастығы полиция полковнигі Руслан Жарасбаев. – Интернетте экстремизмді, зорлық-зомбылықты немесе суицидті насихаттайтын ресурстар бар. Мұның негізінде фильмдер мен бейне ойындардағы зорлық пен қатыгездік жатыр. Біз жастарға зорлық-зомбылық идеяларының арбауына түсудің құқықтық салдарын түсіндіру, өмірде және интернетте, оның ішінде әлеуметтік желілерде қауіпсіз мінез-құлық дағдыларын қалыптастыру, деструктивті үгіт-насихат жүргізетін веб-ресурстардан аулақ болуға үйрету міндетін қойдық. Алдын алу жұмыстары өзге де оқу орындарында жалғасын табады».

#ҚРІІМ #МВДРК #QRIIM #MVDRK #Polisia #Полиция #Police #SQOPD #SQO_PD #СҚО_ПД #ДПСКО #СҚО_полицейлері #полицейские_СКО