Петропавлда ювеналды полицияның есебінде 80 қолайсыз отбасы тұр

Петропавл тұрғыны ата-ана құқығынан айырылуы мүмкін. Бірқатар құқық бұзушылықтар, ішімдіктің қатысуымен болатын тұрақты отырыстар, есірткі мен психотроптық заттарға тәуелділік – 29 жастағы қала тұрғыны осындай өмір салтын жүгізеді. Жалғыз немересінің тағдырына алаңдаған әже полицейлердің көмегіне жиі жүгінген. Зейнеткер өзінің 10 жасар немересін қамқорлыққа алған. Қазіргі таңда олар анасынан бөлек тұрып жатыр. Бұл қолайсыз отбасы ювеналды полиция қызметкерлерінің ерекше бақылауында. Қазіргі уақытта полицейлер ата-анаға қатысты ҚР ӘҚБтК-нің 127-бабы «Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамау» бойынша әкімшілік материал жинады. Іс жүргізу шешімін қабылдау үшін СҚО-ның кәмелетке толмағандардың істері жөніндегі сотына жіберілді.

«Балаға психологиялық және моральдық қысым көрсету жағымсыз салдарға әкелуі мүмкін. Ата-ана құқығын шектеу – кәмелетке толмағандар үшін тиімді шешімдердің бірі, - дейді Петропавл қ.ПБ ювеналды полиция бөлімшесінің бастығы полиция подполковнигі Эльмира Абушева. – Полицейлер есепте тұрған отбасылардың үйіндегі жағдайды зерттеп, құқық бұзушылыққа жол бермеу бойынша профилактикалық әңгімелер жүргізеді. Кәмелетке толмағандар арасындағы, сондай-ақ оларға қатысты қылмыстар мен құқық бұзушылықтардың алдын алу – полиция инспекторларының басты міндеті».

СҚО-ның ювеналды полициясының есебінде 80 қолайсыз отбасы тұр. Кәмелетке толмағандардың істері жөніндегі комиссияға заңды өкілдерге қатысты 14 материал жиналды. Үшеуі ата-ана құқығынан айырылса, біреуі құқығы шектелді.

#ҚРІІМ #МВДРК #QRIIM #MVDRK #Polisia #Полиция #Police #SQOPD #SQO_PD #СҚО_ПД #ДПСКО #СҚО_полицейлері #полицейские_СКО