Жыл басынан СҚО полицейлеріне әлеуметтік желілер арқылы 200-ге жуық сауал келіп түсті

Айналасында болып жатқанға бейжай қарамайтын азаматтар тәртіпті сақтау мәселесіне белсенді араласуда. Бұл үшін солтүстікқазақстандықтар әлеуметтік желілерді кеңінен пайдаланып келеді. Тиімді алаңның көмегімен Петропавл қаласының тұрғыны көлік құралдарын тоқтату немесе қою ережелерін бұзудың бірден үш фактісі бойынша шаралар қабылдауға ықпал етті. Ол полицейлерге Абай көшесіндегі көп қабатты үйдің ауласында көгалды тұрақта жол ережесін бұзып, қаңтарылып тұрған автокөліктердің фото, видеосын жолдады. Аталған факті бойынша полицейлер ҚР Әкімшілік құқық бұзушылық туралы кодексінің 597-бабы 2-бөлігі «Көлiк құралдарын тоқтату немесе тоқтап тұру қағидаларын бұзу» талаптарына сәйкес шаралар қабылдады. Аталған бапқа сәйкес, автокөлікті тротуарда тоқтату немесе оның тоқтап тұру қағидаларын бұзу, сондай-ақ көлік құралдарын гүлзарларда, көгалдарда, балалар немесе спорт алаңдарында тоқтатып қою үшін он айлық есептік көрсеткіш мөлшерінде айыппұл салу көзделген.

Жыл басынан солтүстікқазақстандық полицейлер азаматтардан әлеуметтік желілер арқылы келіп түскен 192 сауал бойынша шаралар қабылдады. Тұрғындар арасында Instagram және ВКонтакте кең қолданысқа ие. «Қоғамдық тәртіп пен жол қауіпсіздігінің бұзушылықтары бойынша жарияланымдарды анықтау және мониторинг кезінде шұғыл шаралар қабылданады, – деп атап өтті СҚО ПД бастығының орынбасары полиция полковнигі Руслан Назаров. – Мұндай тәжірибе азаматтардың құқықтық санасын нығайтуға, құқықтық мәдениетті арттыруға ықпал етеді».

#ҚРІІМ #МВДРК #QRIIM #MVDRK #Polisia #Полиция #Police #SQOPD #SQO_PD #СҚО_ПД #ДПСКО #СҚО_полицейлері #полицейские_СКО