Петропавлдық полицейлер 13 жастағы жасөспірімді іздеп тапты

13 сәуір күні кешкісін белгісіз бағытта кеткен жасөспірімнің ата-анасы полицияға жүгінген. Дереу оны іздеуге учаскелік инспекторлар, ювеналдық полицейлер, патрульдік полиция, жедел уәкілдер мен басқа да қызметтердің қызметкерлері жұмылдырылды. Іздеу жұмыстарына еріктілер қосылып, әлеуметтік желілерде бағдарлар орналастырылды. Мессенджерлердегі ата-аналар чаттарына да ақпарат жіберілді. Ата-анасы бұған дейін өз күштерімен іздегенмен, еш нәтиже болмаған.

Келесі күні таңертең жасөспірімді учаскелік полиция инспекторы полиция капитаны Дәурен Қамзенов тауып алды. Ол кәмелетке толмаған баланы ювеналдық полицейлерге табыстады. Анықталғандай, жаураған баланы облыс орталығында тұратын қамқор әйел түнеуге қалдырған. Таңертең ата-анасына хабарлауды жоспарлаған.

«Баланы аман-есен ата-анасына табыстадық. Профилактикалық сипаттағы әңгімелесу жүргізіліп, жауап алынды. Психолог маман жұмыс жүргізуде. Ересектерден балаларына бас-көз болуларын сұраймыз. Балалардың бос уақытына, тәртібіне назар аударған жөн», - дейді Петропавл қ. ПБ ювеналдық полиция бөлімшесінің бастығы полиция подполковнигі Эльмира Абушева.

#ҚРІІМ #МВДРК #QRIIM #MVDRK #Polisia #Полиция #Police #SQOPD #SQO_PD #СҚО_ПД #ДПСКО #СҚО_полицейлері #полицейские_СКО