Петропавлда адам өлтірді деген күдікпен 40 жастағы әйел ұсталды

Петропавл полицейлері адам өлтірді деген күдікпен тұрғылықты жері жоқ әйелді ұстады. Көптеген пышақ жарақаты салынған 30 жастағы ер адамның мәйіті 5 ақпан күні Брусиловский көшесіндегі жылу трассасының құдығында анықталды.

Оқиға орнына Петропавл қ. Полиция басқармасы жедел-тергеу тобының қызметкерлері барды. Жүргізілген тергеу амалдары арқылы қылмысқа тұрғылықты жері жоқ 40 жастағы әйелдің қатыстылығы анықталды. Жедел-тергеу іс-шаралары шеңберінде бірер күн бұрын олар құдықтың ішінде спирттік ішімдікті ішіп отырғаны белгілі болды.

Аталған факті ҚР Қылмыстық кодексінің 99-бабы 1-бөлігі «Адам өлтіру» бойынша Сотқа дейінгі тергеп-тексерудің бірыңғай тізіліміне енгізілді. Күдікті Петропавл қ. Полиция басқармасының уақытша қамауда ұстау изоляторына қамалды.