Солтүстік Қазақстан облысында 2022 жылғы 19 қаңтар 00 сағатқа дейін төтенше жағдай енгізілді

Солтүстік Қазақстан облысында 2022 жылғы 19 қаңтар 00 сағатқа дейін төтенше жағдай енгізілді. Коменданттық сағат - 23 сағат 00 минуттан 7 сағат 00 минутқа дейін.

• Петропавл қаласы мен Солтүстік Қазақстан облысы шекараларында бақылау-өткізу режимі енгізілді және жеке басты куәландыратын құжаттар, жеке тексеріс, алып жүретін заттар, көлік құралдары тексеріледі;
• Петропавл қаласына және Солтүстік Қазақстан облысына кіру, сондай-ақ келесілерді қоспағанда одан шығу шектелді:

а) халықтың тіршілігін қамтамасыз ететін ұйымдардың қызметкерлері;
б) медициналық көрсетілім бойынша кіретін және шығатын адамдар;
в) стационарда емделудегі адамдардың шығуы;
г) транзиттік жүк көлігі;
д) жұмыс орнынан анықтама көрсеткен кезде жұмыс орнына баратын адамдардың көлігі;
е) тұрғылықты жеріне баратын адамдар;

• этил спирті мен алкоголь өнімдерін сатуға тыйым салынды;

• алкоголь өнімдерін сату құқығынсыз көңіл көтеру, ойын-сауық орындары, дәмханалар, мейрамханалар, барлар сағат 10.00-ден 18.00-ге дейін жұмысы шектелді;

• жиналыстар, митингілер мен демонстрациялар, шерулер мен ереуілдер, сондай-ақ ойын-сауық, спорттық және басқа да іс-шараларды өткізуге тыйым салынды;

• жол шетіндегі дәмханалардың жұмысы тоқтатылды;

• көтеріліс өткізуге тыйым салынды;

• көшірме жасау-көбейту техникасын, радио- және телетаратқыш аппаратураларды, аудио-фото және бейнежазба жүргізетін техникаларды пайдалану шектелді.

#ҚРІІМ #МВДРК #QRIIM #MVDRK #SQOPD #SQO_PD #СҚО_ПД #ДПСКО #Polisia #Полиция #Police #СҚО_полицейлері #полицейские_СКО