Солтүстік Қазақстан облысы полиция департаменті бастығының бірінші орынбасары Әлібек Құжахметов Психикалық денсаулық орталығының директоры Дәуренбек Бисембаевпен жұмыс кездесуін өткізді.

Кездесуде ведомствоаралық өзара іс-қимылды нығайту, Психикалық денсаулық орталығында есепте тұрған адамдарға қатысты келіп түсетін шақырулар мен хабарламаларға жедел ден қою, сондай-ақ ықтимал қауіп-қатер туындаған жағдайда тиісті қызметтердің әрекеттерін үйлестіру мәселелері талқыланды.

Ақпаратпен уақтылы алмасуға және туындаған жағдайларға жедел ден қоюды қамтамасыз ету үшін іс-қимыл тәртібін келісуге ерекше назар аударылды.

Кездесу қорытындысы бойынша тараптар қоғамдық қауіпсіздікті қамтамасыз етуге, құқық бұзушылықтардың алдын алуға және азаматтарға қажетті көмекті уақтылы көрсетуге бағытталған өзара іс-қимылды одан әрі дамытудың маңызын атап өтті.