СҚО-да үш авткөліктің қатысуымен ЖКО орын алды

Солтүстік Қазақстан облысында трассада үш автокөліктің қатысуымен жол-көлік оқиғасы орын алды. Апат 30 қарашада сағат 13 сағат 30 минут шамасында Петропавлдан аудан орталығы Булаевоға апаратын автожолда болған. Mitsubishi Pajero жүргізушісі алдында тоқтап тұрған Volkswagen Transporter мен ВАЗ 2115 автокөліктерімен соқтығысуға жол берген. Соғылу нәтижесінде, жолды кесіп өтіп бара жатқан жабайы жануарға жол берген екі көлік те трассадан ұшып кеткен. Автокөліктің біріндегі екі жолаушы дене жарақаттарын алған.

«ЖКО фактісі бойынша ҚР ӘҚтК 610-бабымен материал жиналды. Шешім қабылдау үшін барлық материалдар Қызылжар ауданының сотына тапсырылатын болады», - дейді аудандық полиция бөлімінің бастығы полиция полковнигі Әлихан Байқадамов.