48 жастағы қалалық әйел интернетте той көйлегін сату туралы жарнама жариялайды. Көп ұзамай оған «сатып алушыдан» егер оған банк картасын екі жақтан фотосуретке түсіріп жіберсе, оған ақша аударамын деген хабарлама келеді. Әйел келіскен, алайда көп ұзамай оның шотынан 265 мың теңге ақшасының жоғалып кеткенін білген.
Банк несие беруден бас тартқан 1981 жылы туған петропавлдық Интернетте осындай жағдайда «көмек» туралы жарнамаға тап болады. Қаскөй егер қалалық оған алғысы келетін соманың 10% -ын аударса, мәселені шешуге уәде берген. Ер адам 111 мың теңге аударған, осыдан кейін «көмекші» байланысқа шықпай қойған.
Ең үлкен шығын Шал ақын ауданының 19 жастағы студентіне келтірілген. Ол қашықтықтан оқыған соң шәкіртақысын жұмсамаған, бірақ ол Telegram мессенджері арқылы хабарласып жүрген қылмыскерге сенген кезде барлық жинаған ақшасынан айырылған. Хат алмасу жұмысқа орналасу ұсынысынан басталған, содан кейін қаскөй қызға пайдалы бизнеске ақша салып пайда табуды ұсынған. Ол келісіп, бейтаныс адамға 50 мың теңге аударады. Содан кейін мұндай жағдайларда капиталды жаңа инвестициялармен екі есе көбейту туралы әдеттегі уәделер басталады. Нәтижесінде жәбірленуші өзінің барлық жинаған ақшасын және анасының ақшасының бір бөлігін, яғни 400 мың теңгеден астам сомаға аударып жіберген. Бірнеше күннен кейін ол уәде етілген кіріс түспегеннен кейін полицияға жүгінді ...
«Қылмыскерлер көбінесе көңіл-күйге басымдылық, психологиялық қысым жасайды, тез баю мүмкіндігін жіберіп алмау үшін жедел шешім қабылдау керек деп сендіреді, - дейді Солтүстік Қазақстан облысы Полиция департаменті Криминалдық полиция басқармасының ерекше тапсырмалар жөніндегі аға жедел уәкілі Виталий Подчернин. - Бейтаныс адамдардың күмәнді ұсыныстарына сенбеңіз. Сонымен қатар, біз тағы да солтүстікқазақстандықтардың назарын аударамыз: банктік картаның артында жазылған CVV коды - құпия ақпарат. Қылмыскер картаның нөмірін және осы кодты біле отырып, басқа біреудің есебінен онлайн-төлем жасауы мүмкін. Мұндай деректерді ешкімге сеніп беруге болмайды».
Солтүстік Қазақстан облысында бір күнде үш интернет-алаяқтық тіркелді
