СҚО полицейлері төрт күн ішінде 23 мас жүргізушіні анықтады

СҚО полицейлері 12-15 қараша аралығында облыста өткізілген «Мас жүргізуші» жедел-профилактикалық іс-шарасының қорытындысын шығарды. Осы уақыт аралығында облыс жолдарында 23 мас жүргізуші ұсталды. Олардың барлығы әкімшілік қамаққа алынып, көлік құралын басқару құқықтарынан айырылды, басым бөлігі 7 жылға. Бұзушылардың бірі масаң күйінде «Daewoo Nexia» автокөлігінде Ғ. Мүсірепов көшесі бойындағы үйлердің ауласында тоқтатылды. Жүргізушіден алкогольдің иісі шығып тұрды. Медициналық куәландыру бойында алкогольдік масаңдықтың орташа дәрежесін көрсетті. Оның үстіне, тексеріс барысында 2017 жылы масаң күйде рөлге отырғаны үшін көлік басқару құқығынан айырылғаны анықталды. Автокөлігіне қайта отыруға құқық тек 7 ай бұрын берілген екен. Жазаланғанына жыл толмауына байланысты ендігі 8 жылда көлігін тізгіндей алмайды.

«Сондай-ақ, 4 күн ішінде патрульдер бұрын басқару құқығынан айырыла тұра масаң күйде қайта рөлге отырған үш жүргізушіні тоқтатты, - дейді СҚО ПД ЖПҚ басқармасының бастығы Айдын Байматов. – Заң ондайларға 5 мың айлық есептік көрсеткішке дейінгі айыппұл салу және өмір бойына басқару құқығынан айыру жазасын қарастырады. Қатаң шаралардың өзектілігі айқын: СҚО-да 10 ай ішінде түрлі жол-көлік оқиғаларынан 30 адам қаза тапты, оның 5-і мас жүргізушілердің кесірінен. Жол-көоік оқиғаларына жол бермеу үшін жыл басынан жол қозғалысы қауіпсіздігін арттыруға бағытталған «Құқықтық тәртіп», «Қауіпсіз жол», «Лишенник» сияқты сегіз іс-шара өткізілді».

«Мас жүргізуші» профилактикалық іс-шарасы кезінде жол жүрісі қағидаларының барлығы түрлі 1763 бұзушылығы анықталды. 179 жүргізуші басқару құқығынсыз рөлге отырған, 119-ы жылдамдық режимін бұзған, 30-ы бағдаршамның рұқсат етілмеген түсіне өтсе, 19-ы жаяу жүргінші жолағында адамдарды өткізбеген.