Солтүстік Қазақстан облысының полицейлері жүргізушілерді қысқы кезеңде жол қозғалысы ережелерін қатаң сақтауға шақырады

Солтүстік Қазақстан облысы аудандық полиция бөлімдерінің басшылары, сондай-ақ Петропавл қаласы полиция басқармасының патрульдік полиция батальонының басшылығы әлеуметтік желілер арқылы өңір жүргізушілеріне жол қозғалысы ережелерін бұлжытпай сақтауға үндеу жолдады.

Қыс мезгілінде көктайғақтың пайда болуы, жолда тайғақ учаскелердің болуы және көріну қашықтығының төмендеуі жол-көлік оқиғаларының қаупін объективті түрде арттырады. Мұндай жағдайда жүргізушілерден барынша тәртіп пен жауапкершілік талап етіледі. Алайда статистика көрсеткендей, жол-көлік оқиғаларының басым бөлігі адам факторына байланысты орын алады. Тәртіп сақшылары қауіпті маневрлерден, көлік құралын басқару кезінде ұялы телефон пайдаланудан және өзге де тәуекелді әрекеттерден бас тартуға шақырады.

Тайынша ауданы полиция бөлімінің бастығы Даурен Ибраев бейнеүндеу жасап, жол-көлік оқиғаларының негізгі себептерін атап өтті. Олардың қатарында белгіленген жылдамдықты асыру, бағдаршамның тыйым салатын сигналына өту, арақашықтық пен өту кезектілігін сақтамау, сондай-ақ заңсыз жолаушы тасымалы бар. Мұндай жағдайларда жүргізушілер көбіне ұзақ қашықтыққа ұйқысыз әрі демалыссыз жолға шығады.

Өңірде жол-көлік оқиғаларының алдын алу жұмыстары тұрақты негізде жүргізілуде. Бұл бағытта жедел-профилактикалық іс-шаралар, акциялар, түсіндіру жұмыстары, оның ішінде әлеуметтік желілер арқылы ақпараттандыру ұйымдастырылады.