Ерікті түрде тапсырылған қару-жарақ үшін сыйақы беріледі

Ерікті түрде тапсырылған қару-жарақ үшін сыйақы беріледі
Шымкент қаласында Қазақстан Республикасы Ішкі істер министрінің 2015 жылғы 27 наурыздағы №266 бұйрығына сәйкес, 2019 жылғы 10 сәуірден бастап халықтан заңсыз сақталған атыс қаруларын, оқ-дәрілерді және жарылғыш заттарды сатып алу бойынша акция өткізіледі. Ерікті түрде тапсырылған қару-жарақ заттары үшін мемлекет тарапынан әрбір қаруға, яғни оның түріне байланысты оннан бастап жүзге дейін айлық есептік көрсеткіш мөлшерінде ақша қаражатын төлеу қарастырылған. Тіркелмеген атыс қаруларын, оқ-дәрілер мен жарылғыш заттарды ерікті түрде тапсырылған адамдар қылмыстық және әкімшілік жауапкершіліктен босатылады.