"Мигрант" жедел алдын алу іс-шарасы қарқын алуда

- "Мигрант" жедел-алдын алу іс-шарасын өткізу кезеңінде полицейлердің жұмылдыру топтарының күшімен облыс аумағында орналасқан 900-ден астам шаруа қожалықтарын немесе олардың жалпы санының 40% - ын пысықтау жүзеге асырылды. Сондай-ақ учаскелік полиция инспекторлары қызмет көрсететін әкімшілік учаскелерде аулаларды және пәтерлерді аралау жүргізіледі, болу мерзімдерін бұза отырып тұрып жатқан шетелдіктерді анықтау мақсатында жеке тұрғын үй секторын, саяжай алқаптарын, жатақханаларды тексеруге ерекше назар аударылады, - деп түсіндірді Павлодар облысы Полиция департаменті көші-қон қызметі басқармасының бастығы Арман Уәлиев.

2 күн ішінде көші-қон заңнамасын 191 бұзушылық анықталды, оның 113-ін шетелдіктер, 78-ін Павлодар облысының тұрғындары жасады. 10 шетелдікке қатысты елден шығарып жіберу туралы шешім қабылданды, 5-ке әкімшілік қамауға алу қолданылды, қалғандары айыппұлдарға сотталды.

- "Мигрант" жедел алдын алу іс-шарасы профилактикалық сипатқа ие және шетелдік азаматтардың өмірін нашарлатуға бағытталған емес. Біздің шаралар еліміздің заңдарын құрметтемейтін және қазақстандықтардың қалыпты өміріне кедергі келтіретін шетелдіктерге төзбейді, - деп түсіндірді Арман Уәлиев.

64 шетелдікке Қазақстанда болудың құқықтық мәртебесін реттеуге жәрдем көрсетілді.