Көмек үшін полицияға рахмет!

Павлодар облысы Успен ауданының полиция бөліміне  «Лада»  автокөлігінің жүргізушісінен алғыс келіп түсті. Ер адам полиция қызметкерлері Дамир Исенов пен Рашид Аскебаевқа жауаптылығы мен көрсеткен көмегі үшін алғысын білдіреді.

26 қазан күні сағат 03.00-де «Браконьер» ЖАІШ өткізу барысында Успен ауданы Ильичевка ауылының маңында Дамир Исенов пен Рашид Аскебаев жолдың шетінде тұрған, авариялық дабыл қосылған көлікті байқады. Тәртіп сақшылары тоқтап, жүргізушіден көліктің қозғалтқышында ақаулар бар екенін білді. Жүргізуші мәселені өз бетінше шеше алмады. Сондай-ақ, автокөлік жүргізушісі оның ешкімнен көмек сұрай алмайтынын айтты, өйткені ол жергілікті тұрғын емес еді.

Жүргізушіге көмектесу үшін тәртіп сақшылары ақаулы көлікті Успенка ауылындағы техникалық қызмет көрсету станциясына  дейін сүйреп апарды,  онда шеберлер кәсіби көмек көрсетті, кейін ер адам жолды жалғастыра алды.

- Қол ұшын беріп, көмектескеніңіз  үшін көп рахмет! - дейді ризашылық білдірген жүргізуші.