Қызмет үшін алғыс

Полициядағы қызмет-бұл мемлекеттік қызметтің ерекше түрі. Полиция мамандығы күрделі мамандықтардың бірі болып табылады. Полицияның негізгі міндеті - қоғамдық қауіпсіздікті қамтамасыз ету. 

Павлодар қаласы ПБ Орталық полиция бөлімінің бастығы Әсет Асқаров криминалдық полиция қызметкерлерін кәсіби мерекелерімен құттықтап, қызметтік міндеттерін адал атқарғаны, қызметтегі жоғары көрсеткіштері үшін, сондай-ақ қылмыстық іздестірудің 104 жылдығын мерекелеуге байланысты қызметкерлерді көтермеледі.

Жедел уәкілі Айжан Қабышева бағалы сыйлықпен (қол сағаты), жедел уәкілі Әлібек Қамзин Грамотамен, Асхат Маралбаев, Жанболат Мұхтарханов, Ғалымжан Исаков және Медет Қадыров Алғыс хатпен марапатталды.

Әсет Асқаров қызметкерлерді құттықтап, болашақта қоғам мен елдің игілігі үшін абыроймен қызмет етулерін тіледі.