Полиция қызметкерлеріне ауылдас әйел алғыс білдірді

Павлодар облысы Полиция департаментінің бастығы Василий Склярдың атына үнемі алғыс хаттар мен полиция қызметкерлеріне оң пікірлер келіп тұрады.

Кезекті алңыс Алғабас ауылының тұрғыны Қарлығаш Жармағамбетовадан келіп түсті. Ол алғыс сөзінде Ақсу қаласы полиция бөлімінің бастығы Молдабаев Дәулет Қабдуайысұлына және Ақсу қаласы полиция бөлімінің барлық жеке құрамына алғыс білдіреді.

- 2022 жылдың 30 тамызында сағат 13: 20-да менің келінім үйден шығып, белгісіз бағытта кетті. Мен қатты уайымдадым, өйткені келінім 3  мүгедектік тобына ие және адасып,  жоғалып кетуі мүмкін. Ол, алысқа ұзап кетсе, кері қайтатын  жолды ұмытып қалуы мүмкін. Алдымен олар ауыл ішінде өз бетінше іздеу жұмыстарын жүргізіп, нәтиже болмаған соң, сағат 17-00-ге қарай полицияға жүгінген. Олар дереу жақын маңдағы барлық ауылдарға бағдар берді, барлық қараусыз қалған ғимараттар мен фермаларды қарап, іздей бастады. Іздеу нәтижесінде полицейлер менің келінімді "Русская-Поляна - Ленинский кенті" автожолынан, дүкеннің жанынан тапты, - деп жазады Жармағамбетова Қарлығаш.

Ауыл тұрғыны полицейлерге жеделдігі мен үйлесімді жұмысы үшін шын жүректен алғыс айтып, мықты денсаулық пен ауыр қызметте табыс тіледі. Егер полиция болмағанда, келінінің жайы қандай болуы мүмкін екенін елестетуге де қорқатынын атап өтті!