Учаскелік полиция инспекторларына алғыс

Павлодар облысы Полиция департаментінің бастығы Василий Склярдың атына Павлодар қаласы Мәшһүр Жүсіп көшесінің №9 үйінің тұрғындарынан алғыс хат келіп түсті.

Хатта пәтер иелері №10 УПП учаскелік полиция инспекторлары Бауыржан Досымжанов пен Бауыржан Уәлиғазиновтің кәсібилігі мен жауапкершілігін атап өтеді.

- Жан-жақты жұмыс пен үлкен жүктемеге қарамастан, олар кез келген уақытта бізге көмекке келуге дайын, – дейді үй тұрғындары.

Қала тұрғындары учаскелік инспекторлар бүкіл үйдің қалыпты өмірін бұзатын мәселені шешті, мысалы: "пәтерлердің бірінің тұрғыны біздің үйімізді қоқысқа айналдырды, соның салдарынан үйде жәндіктер пайда болды. Сол кезде біз учаскелік инспекторлардан көмек сұрадық. Полиция қызметкерлері Бауыржан Досымжанов пен Бауыржан Уәлиғазинов пәтер иесімен қажетті әңгіме жүргізіп, қоқыс шығару және тәртіп орнату жұмыстарын ұйымдастырды. Олардың қажырлы еңбегінің арқасында біз қайтадан қалыпты өмір сүре бастадық".

- Учаскелік инспекторлар әрбір тұрғынды біледі, әрдайым көмекке келуге тырысады. Ал біз өз кезегімізде оларды құрметтейміз және оларға сенеміз, – деп жазады №9 үйдің тұрғындары.