Полиция қызметкеріне алғыс

Павлодар облысы Полиция департаментінің бастығы Василий Склярдың атына Антон Тимоновтан алғыс хат келіп түсті.
– 2022 жылғы 12 ақпанда Павлодар қаласының Нұркин көшесінде жол-көлік оқиғасы орын алды, менің автокөлігім зақымдалды. Жол-көлік оқиғасына кінәлі болған адам бәрін қалпына келтіруге уәде берді, бірақ кейін жоғалып кетті, байланысқа шықпады. Мен оны таба алмағасын  полицияға хабарласып, көмек сұрадым. Полиция майоры Айгүл Сәрсембенованың көмегімен жүргізуші анықталып, жауапқа тартылды. Ол кінәсін мойындады. Мен полиция қызметкеріне көрсеткен жауаптылығы мен жедел қызметі үшін үлкен алғысымды білдіремін, – деп жазады қала тұрғыны.
Полиция аталған ЖКО бойынша екі жүргізуші ҚР ӘҚБтК-нің 611-бөлімі бойынша,  сондай-ақ кінәлі адам ҚР ӘҚБтК 610-бабының 1-бөлімі бойынша  әкімшілік жауапкершілікке тартылғанын, материал сотта қаралып, айыппұл салынғанын хабарлады.