Кәсібилілігі үшін алғыс!

Қазақстан Республикасының Ішкі істер министрі Ерлан Тұрғымбаевтың атына алғыс хат келіп түсті, онда Павлодар қаласының тұрғыны Павлодар облысы Полиция департаменті Тергеу басқармасының аса маңызды істер жөніндегі аға тергеушісі Ринат Ысқақовқа әпкесінің өліміне қатысты тергеу үшін алғыс білдіреді.

– Ринат Ғазизұлына өз міндеттерін адал атқарғаны, қылмыстық іс жүргізудегі жауапкершілігі және оны соңына дейін жеткізгені үшін рахмет, - делінген хатта. Сондай-ақ, әйел тергеушінің өндірісінде күйеуі өлтірген әпкесінің қылмыстық ісі болғанын, және ол басқа да ауыр қылмыстар бойынша айыпталғанын  айта кетті.

- Мұқият болудың, кәсіби ұқыптылықтың, егжей-тегжейге ерекше назар аударудың, сондай-ақ тергеушінің өз ісіне бейжай қарамауының арқасында қылмыстық істі тергеуде оң нәтижеге қол жеткіздік, лайықты жазадан жалтаруға тырысқан қылмыскерді жауапқа тарта алдық. Сіздердің бағыныстыларыңыздың арасында Ринат Ысқақов сияқты қызметкерлердің барынша көп болуын шын жүректен тілеймін! - деп жазады марқұмның әпкесі.