Жоғары кәсіби деңгейі үшін алғыс

Павлодар облысы Полиция департаментінің бастығы Нұрлан Мәсімовтің атына облыс орталығының тұрғыны Сания Шәріповадан алғыс хат келіп түсті.

- Павлодар қаласының Солтүстік полиция бөлімінің анықтау бөлімшесінің бастығы Ғалымжан Гатинге үлкен алғысымды білдіремін.  2020 жылдың тамызында менің ағам жол-көлік апатынан зардап шекті. Ғалымжан Нарайманұлының арқасында қылмыстық іс жан-жақты зерттеліп, сотқа жолданды. Ғалымжан Гатин өзінің қызметтік міндеттерін орындауға әділ  қарайды. Ол іс жүргізудің алғашқы күндерінен бастап жоғары кәсіби қасиеттерін, сауатты білікті іс - әрекеттерін, шыдамдылығын, жауаптылығын және лауазымдық міндеттерін мінсіз орындауын көрсетті, - делінген хатта.

Қала тұрғыны шын жүректен оған кәсіби өсуді, таусылмайтын қуат пен қоғам мен заңның игілігі үшін жаңа жетістіктер тілейді!

- Осындай офицерлердің арқасында біз, қарапайым азаматтар, тиісті әділеттілікке деген үмітімізді бір секундқа да жоғалтпаймыз, - деп атап өтті хат авторы.