Есімхан Жанпейісовтің кәсіпқойлығы арқасында әділдік орнады

 Қазақстан Республикасы Ішкі істер министрі Ерлан Тұрғұмбаевтың атына алғыс хат келіп түсті. Қарағанды облысы адвокаттар алқасының адвокаты Қарағанды қаласы "Энерготрейд 2010" ЖШС өкілі Гүлден Хамитова Павлодар қаласы Полиция басқармасының тергеушісі Есімхан Жанпейісовке алғыс білдіріп отыр.
-Құрметті Ерлан Заманбекұлы, тергеуші Есімхан Жанпейісовке лауазымдық міндеттерін адал атқарғаны, сондай-ақ аса ірі мөлшерде алаяқтық-қылмыстық ісін тергеу кезіндегі жоғары дәрежедегі жауапкершілігі үшін үлкен алғыс білдіруіме рұқсат етіңіз. Қаскүнем ұсталынған кезде және тергеу кезінде онымен жасалған қызмыстық әрекетті мойындамай, тергеуді адастыруға тырысып, жаңа дәлелдер келтіріп отырды. Бірақ тергеуші Жанпейісов барлық дәлеледемелерді жинақтап, құқықтық баға берді. Сонымен қоса, кәсіпқойлығының арқасында және қылмыстық-іс-жүргізу заңының талаптарын басшылыққа ала отыра, әрекеттің саралануын анықтап, қылмыстық іс Павлодар қаласының сотына жіберілді,-деп жазды адвокат Гүлден Халитқызы. Осы істі тергеу кезінде тергеушіге ең қажетті, атап айталық ұқыптылық, еңбексүйгіштік,объективтілік қадыр-қасиеттерді қолдана отыра, Есімхан Жанпейісов нәтижеге қол жеткізді, әділдік орнап, алаяқтық қылмыстық жауапкершілікке тартылды.