Полицейлер арқасында ешкім зардап шеккен жоқ

Павлодар облысы Полиция департаментінің бастығы полиция генерал-майоры Нұрлан Мәсімовтің атына Железин ауылының тұрғыны Руслан Каримовтан алғыс хат келіп түсті.
Руслан Каримов тәртіп сақшыларымен азаматтарды қамтамасыз етуде көрсетілген әрекеттер нәтижесінде өрттің алдын алған Железин ауданының полицейлеріне алғысын білдірді.
2021 жылғы 12 мамырда сағ.03.00-де, тәртіп сақшылары Руслан Жүсіпов пен Куаныш Алин патрульдеу кезінде Железин ауылының Жамбыл көшесі бойында орналасқан менің үйімдегі құрылыс нысандары маңынан түтін шыққанын көрген. Жігіттер қарап қалмай дереу түрде кезекші бөліміне хабарлап, өрт шыққан жерге өрт сөндірушілерді шақырды. Өздері өрт сөндіруге кірісіп, бізді оятты. Полиция қызметкерлеріне мұқият болғандары үшін алғысымды білдіремін. Қызметтеріне табыс тілеймін, - деп жазды Руслан Каримов.
Полиция қызметкерлерінің және өрт сөндірушілердің дереу түрде әрекет етуінің арқасында өрттің өршуіне, басқа да көрші тұрған құрылыстар мен автокөлікке тиіп кетуіне жол берілмеді. Өрттен зардап шегушілер болған жоқ, шығын да орын алмады.