Кәсіпқойлығы үшін алғыс

Павлодар облысы Полиция департаментінің бастығы Василий Склярдың атына Павлодар қаласының тұрғыны Ажар Тұтынбаевадан алғыс хат келіп түсті.
- Павлодар қ.ПБ Оңтүстік полиция бөлімінің қызметкерлері Жандос Жүнісбековке, Ерік Жақыповқа, Алмас Сағадатовқа және Сайдалы Мусинге алаяқтық фактісі бойынша қылмыстық істі тергеуде көрсеткен жоғары кәсібилігі үшін алғысымды білдіргім келеді, - деп жазды Ажар.

 " Крыша.KZ " сайтынан жалдамалы пәтер іздеу кезінде мен іздегенімді таптым. Хат алмасу барысында қыздың басқа қалада екендігі және тек келген кезде пәтерді көрсете алатындығы анықталды. Сонымен қатар пәтерді жалдауға алуға ниет білдірушілер көп екенін, сондықтан 50 мың теңге көлемінде депозит салу қажеттігін атап өтті. Сенімді болу үшін ол жеке куәлігін жіберді. Оған сеніп, мен көрсетілген соманы жұбайының нөміріне аудардым. Ақшаны алғаннан кейін қыз байланысқа шығуды тоқтатты. Мен алаяқтардың қолына түскенімді түсініп, бұл туралы полицияға айттым. Тәртіп сақшылары менімен әңгімелесіп, менің өтінішімді тіркеді.
Айта кету керек, ақшаны қайтарудың алдында полиция үлкен жұмыс істеді. Жігіттер одан әрі транзакциялар мен аударымдар туралы куәлік берген дропперді орнатты. Бұдан әрі екінші деңгейдегі банктермен және басқа да органдармен өзара іс-қимыл бойынша жұмыс жүзеге асырылды. Осыдан кейін ғана Қарағанды қаласында тұратын күдіктінің жеке басы анықталды, оны Жандос Жүнісбеков пен Ерік Жақыпов ұстады.
Өз кәсібіне адал осындай полиция қызметкерлерінің арқасында кінәлі ұсталып, заңның барлық қатаңдығымен жазаланады. Сіздерге денсаулық, жақсылық, сәттілік тілеймін! Көмектеріңіз үшін рақмет!,- деп хатта жазылған екен.

 Азаматтардың құқықтарын қорғау және қылмысқа қарсы күрес-біздің жұмысымыздың негізгі міндеттері. Ал біз үшін ең жақсы сыйақы-тұрғындардың алғысы, - дейді полиция қызметкерлері.

 Полиция департаменті азаматтарға тағы да еске салады: өздерін осындай жағдайлардан қорғау үшін пәтерді алдын-ала тексермей және жалдау шартын жасамай тұрып тұрғын үйге ақы төлемеу керек.