Мамандыққа отбасылық адалдық            

Біздің мақаланың кейіпкерлері 100 жылдан астам уақыт полицияға қызмет еткен Кораблевтар отбасы.

2024 жылдың маусым айында ішкі істер органдарының ардагері және Ұлы Отан соғысының қатысушысы Владимир Александрович Кораблев 100 жасқа толар еді. Ол қатардағы сарбаздан полиция аға сержантына дейін қиын жолдан өтті. Отаны "Отан соғысы" орденімен, "Жауынгерлік еңбегі үшін" медальдарымен және басқа да көптеген медальдармен марапаттап, оның еңбегін жоғары бағалады. Ішкі істер органдарында 36 жыл қызмет еткеннен кейін Владимир Александрович полиция әулетінің негізін қалаушы болды. Тамара қызы әкесінің жолын қуып,   полиция формасын киді.

- Жас кезімнен бастап мен әкемді формалы киім киіп, погондардағы жұлдыз белгілерін көргенді ұнататынмын. Ол үстел басында қызметтен қызықты сәттерді айта бастағанда, мен үлкен қуанышпен тыңдадым. Әкесінің қалпағын киіп, айнаға мақтанышпен қарадым. 1967 жылы орта мектепті бітіргеннен кейін мен ішкі істер органдарына Павлодар облыстық атқару комитеті дивизионының милиционері радио операторы қызметіне кірдім. Сәл кейінірек 1973 жылы Индустриалдық АІІБ-нің милиционері, содан кейін ІІБ патрульдік-бекеттік қызметі батальонының милиционері радисті болып тағайындалдым. Кейінірек  кезекші бөлімнің "02" операторы болып жұмыс істедім және 1982 жылы осы лауазымнан полиция старшинасы атағымен лайықты демалысқа шықтым,- деп еске алады Тамара Владимировна.

Қызмет еткен жылдары Тамара Владимировна бірнеше рет ведомстволық наградалармен марапатталды, оның ішінде "Қызметтік борышын үлгілі атқарғаны және кәсібилігі үшін". Үш дәрежелі "ІІМ мінсіз қызметі үшін", "Еңбек ардагері", "Милиция үздігі" медальдарымен, ІІБ және ІІМ грамоталарымен марапатталған.

Лайықты демалыста болған Тамара Владимировна өзінің бай тәжірибесін жас қызметкерлерге береді. Ардагерлер ұйымы өткізетін барлық іс-шараларға белсенді қатысады.Ардагердің ерекше мақтанышы-милиционерлердің отбасылық әулетін абыроймен жалғастырған ұлы Виктор.

- Мен ұлымның полиция қызметін таңдауын талап етпедім, оған өзі шешуге мүмкіндік бердім. Бірақ ол  біздің жолымызды таңдайды деп үміттендім. Ал ұлым менің үмітімді ақтады. Осылайша Кораблевтар әулеті тарихындағы жаңа бет басталды. Викторды саусақ ізі, трассология, суық қаруды зерттеу және баллистика сияқты пәндер қызықтырды,- дейді Тамара Владимировна.

Отставкадағы полиция подполковнигі Виктор Николаевич Кораблев Ішкі істер органдарында қызметін Павлодар қаласының ЭКО индустриялық АІІБ сарапшысы лауазымынан бастады және Павлодар қаласының ІІБ - де осы бөлімді ұзақ уақыт басқарды.

Полицияда Виктор өзінің әйелі Ольгамен кездесті, отставкадағы полиция майоры, Павлодар облысы ІІД қаржы басқармасының еңбекақы төлеу бөлімінің бұрынғы бастығы. Бүгінде Виктор да, Ольга да зейнеткер, бірақ өз білімдерін жас қызметкерлермен бөліседі.